БНСУ-ын Хууль зүйн судалгааны хүрээлэнгийн Ерөнхийлөгч Хан Ён Сү тэргүүтэй төлөөлөгчид 2025 оны 05 дугаар сарын 12-16-ны өдрүүдэд Монголд зочилж байна.

Төлөөлөгчдийг Монголын Хуульчдын холбооны Тамгын газрын дарга Ш.Жолбарс өчигдөр хүлээн авч уулзлаа. Уулзалтад Монголын Хуульчдын холбооны Шүүгчдийн хорооны тэргүүн, Нийслэлийн иргэний хэргийн давж заалдах шатны шүүхийн шүүгч С.Энхбаяр, Судалгааны төвийн эрхлэгч Г.Оюунболд, Гадаад харилцааны зөвлөх Ц.Одонжав, Монгол-Солонгосын эрх зүйн хүрээлэнгийн Захирал Б.Амарсанаа нар оролцсон.

Монголын Хуульчдын холбоо нь БНСУ-ы Хууль зүйн судалгааны хүрээлэнтэй байгуулсан хамтран ажиллах санамж бичгийн хүрээнд харилцан илтгэл тавих, хамтарсан эрдэм шинжилгээний хурал зохион байгуулах зэрэг ажлуудыг өнгөрсөн хугацаанд хэрэгжүүлсэн бөгөөд 2025 онд хууль эрх зүйн олон талт судалгааны ажлуудад харилцан дэмжлэг үзүүлэх болон зочин судлаачийн хөтөлбөр хэрэгжүүлэхээр тохиролцов. 

Тус айчллын хүрээнд “Хиймэл оюун ухаан ба хууль эрх зүй” сэдэвт эрдэм шинжилгээний хурлыг 2025 оны тавдугаар  сарын 14-ний өдөр зохион байгуулах юм.