“Бизнесээ Томруулъя” нийгэмд үйлчлэх төрийн бус байгууллагаас жижиг, дунд бизнес эрхлэгчдэд бизнесээ томруулж, ашгаа нэмэгдүүлэхэд нь туслах зорилготой “Бизнесээ томруулъя” чуулга уулзалтыг 2025 оны тавдугаар сарын 31-ний өдөр зохион байгуулах гэж байна.

Монголын Хуульчдын холбоо нь тус байгууллагатай хамтран ажиллах санамж бичиг байгуулан ажиллаж байгаа бөгөөд энэ хүрээнд “Бизнесээ томруулъя” чуулга уулзалтад Монголын Хуульчдын холбооны гишүүн хуульчид, өмгөөллийн хуулийн этгээдүүд нь хөнгөлөлттэй нөхцөлөөр асар авч, үйл ажиллагаагаа сурталчлах, бизнес эрхлэгчдэд хууль, эрх зүйн зөвлөгөө өгөх, үйлчлүүлэгчийнхээ тоог нэмэгдүүлэх боломжтой юм.

Тус үйл ажиллагаа нь 2500 гаруй жижиг дунд бизнес эрхлэгчдийг нэг дор цуглуулж, тэдэнд тулгараад буй асуудлаа таньж мэдэх, шийдлийг нь олох, зөв алхамд цаг хугацаа, нөөцөө зарцуулахад туслах илтгэл, сургалтуудыг технологи, инновац, менежмент, санхүү, хүний нөөц, хөрөнгө оруулалт, стратеги, маркетингийн мэргэжилтнүүдээс сонсох, ярилцах, зөвлөгөө авах, түншээ олох боломжийг олгодог байна. Дэлгэрэнгүй мэдээллийг https://www.facebook.com/profile.php?id=61573716447360 фэйсбүүк хуудаснаас авна уу.

Та болон танай өмгөөллийн хуулийн этгээд тус үйл ажиллагаанд оролцох бол дэлгэрэнгүй мэдээллийг 70116364/4/ дугаарын утсаар мэргэжилтэн Г.Болор-Эрдэнэтэй холбогдож авна уу.

Жич: Монголын Хуульчдын холбооны гишүүн хуульчид, өмгөөллийн хуулийн этгээд нь доорх постер дээр оруулсан үнээс тодорхой хувийн хөнгөлөлт эдлэх боломжтой.