Эрх зүйн маргааныг шүүхийн бус аргаар шийдвэрлэх нь талуудын цаашдын хамтын ажиллагаа хэвийн үргэлжлэх, найрсаг харилцааг хадгалж үлдэх зэрэг тал бүрийн ач холбогдолтой. Энэ талаар Хуульчийн эрх зүйн байдлын тухай хуулийн 24 дүгээр зүйлд хуульчийн мэргэжлийн үйл ажиллагааны төрлийг тодорхойлохдоо 24.1.4-д “нэхэмжлэл, хүсэлтийг шийдвэрлэх, хохирол барагдуулахад чиглэсэн аливаа зөвшилцөх, эвлэрүүлэх үйл ажиллагаа явуулах” хэмээн хуульчилж өгсөн байдаг. Иймд эрхэм хуульчид та бүхнийг эвлэрүүлэх үйл ажиллагааг мэргэжлийн түвшинд, чадварлаг хэрэгжүүлж байхыг уриалж байна.