“Бизнесээ Томруулъя” нийгэмд үйлчлэх төрийн бус байгууллагаас жижиг, дунд бизнес эрхлэгчдэд бизнесээ томруулж, ашгаа нэмэгдүүлэхэд нь туслах зорилготой “Бизнесээ томруулъя” чуулга уулзалтыг 2025 оны тавдугаар сарын 31-ний өдөр зохион байгууллаа. Монголын Хуульчдын холбоо нь тус байгууллагатай хамтран ажиллах санамж бичиг байгуулсан бөгөөд энэ хүрээнд Монголын Хуульчдын холбооны Гадаад харилцаа, хамтын ажиллагааны зөвлөх хуульч, өмгөөлөгч Ц.Одонжав “Бизнесийн үйл ажиллагаанд гэрээ, хэлцэл хэрхэн хийх, түүний үзүүлэх нөлөө”, Өмгөөллийн “Цогц өмгөөлөл” хууль зүйн фирмийн гүйцэтгэх захирал, өмгөөлөгч О.Билгүүн “Хөдөлмөрийн хуулийн шинэлэг зохицуулалт”, "HR Consulting Firm"-ийн гүйцэтгэх захирал Ш.Баярмагнай “Бизнес эрхлэгч ба хөдөлмөрийн хуулийн анхаарах зүйл” сэдвээр, Өмгөөллийн "Компасс консалтинг" хуулийн фирмийн үүсгэн байгуулагч, өмгөөлөгч О.Билгүүн "Компанийн засаглал" сэдвээр бизнес эрхлэгчдэд тулгарч буй асуудалд шийдэл олоход туслах зорилгоор үнэ төлбөргүй сургалт орж, хууль зүйн асуудлаар зөвлөгөө өглөө.