Монголын Хуульчдын холбоо нь Азийн про боно 13 дахь чуулга уулзалтыг Монгол Улсдаа зохион байгуулах эрхийг авч 2025 оны 10 дугаар сарын 03-05-ны өдрүүдэд Улаанбаатар хотод зохион байгуулахаар төлөвлөн ажиллаж байна.

Азийн про боно чуулга уулзалт нь Азид болон дэлхий даяар про боно үйл ажиллагааг түгээн дэлгэрүүлж, шударга ёсны хүртээмжийг нэмэгдүүлэх, хуульчийн нийтэд тустай мэргэжлийн үйл ажиллагааг дэмжих зорилготой зохион байгуулагддаг, 30 гаруй орны 500 гаруй хуульч, Хуульчдын холбооны төлөөлөл оролцдог томоохон үйл ажиллагаа юм.

Энэхүү чуулга уулзалтад оролцох хуульчид https://www.mglbar.mn/asian/pro/bono/create холбоосоор орж бүртгүүлнэ үү.

Монголын хуульчид болон оролцогчдыг хөнгөлөлттэй төлбөрөөр бүртгэж байгаа бөгөөд 2025 оны 08 дугаар сарын 30-ны өдрийг хүртэлх хугацаанд 180 ам.доллароор бүртгэх бол 2025 оны 08 дугаар сарын 31-нээс 2025 оны 09 дүгээр сарын 15-ны өдөр хүртэл 250 ам.доллароор бүртгэх юм. Бүртгэл 2025 оны 09 дүгээр сарын 15-ны өдөр хаагдах бөгөөд төлбөр төлснөөр бүртгэл баталгаажихыг анхаарна уу.

Холбоо барих: 70116364/3/ (Хуульчийн нийтэд тустай мэргэжлийн үйл ажиллагаа эрхлэх хороо хариуцсан мэргэжилтэн Г.Сарангэрэл)