Монголын Хуульчдын холбооны Төлбөрийн чадваргүй иргэдэд хууль зүйн туслалцаа, өмгөөллийн үйлчилгээ үзүүлэх асуудал эрхэлсэн хорооноос ерөнхий боловсролын сургуулийн дунд ангийн сурагчдад эрх зүйн мэдлэг олгох сургалтыг өнгөрсөн сард зохион байгууллаа.
Нийтийн эрх, хууль ёсны ашиг сонирхлыг хамгаалах, хууль зүйн туслалцаа, иргэний эрх зүйн боловсролыг дээшлүүлэх үйл ажиллагааг сурталчлах зорилгоор зохион байгуулсан тус сургалтын сургагч багшаар Монголын Хуульчдын холбооны гишүүн хуульч, улсын өмгөөлөгч С.Энх-Эрдэнэ, Хууль зүйн туслалцааны төвийн Баянзүрх дүүрэг дэх салбарын өмгөөлөгч нар ажилласан юм.
Энэ удаагийн сургалтад Нийслэлийн Ерөнхий Боловсролын 92 дугаар дунд сургууль, 53 дугаар дунд сургууль, Баянзүрх дүүргийн “Өнөр бүл хүүхдийн төв”-ийн 7-11 дүгээр ангийн нийт 533 сурагч хамрагдлаа.
