Монголын Хуульчдын холбооны Тамгын газрын дарга Ш.Жолбарс Япон Улсын Олон улсын хамтын ажиллагааны байгууллага (JICA)-ын Хууль эрх зүй, шүүхийн хөгжлийн төвийн зөвлөх Моринага Таро болон Япон Улсын Хууль зүйн яамны төлөөлөгч нартай 2025 оны 06 дугаар сарын 10-ны өдөр уулзлаа.

Уулзалтаар Монгол Улсын Иргэний хуулийн хэрэгжилтийн үр дагаврын үнэлгээг хийхтэй холбоотой Иргэний хуулийн хэрэгжилтийн өнөөгийн нөхцөл байдал, тус үнэлгээг хийх хэрэгцээ, шаардлагын талаар болон цаашдын хамтын ажиллагааны талаар санал солилцоо.

Тус уулзалтад Монголын Хуульчдын холбооны гишүүн хуульч, Шүүхийн Ерөнхий зөвлөлийн Эвлэрүүлэн зуучлалын зөвлөлийн дарга, шүүгч Т.Болормаа, Хуульчдын холбооны Гадаад харилцаа, хамтын ажиллагааны зөвлөх Ц.Одонжав, Япон Улсын Хууль зүйн яамны олон улсын хамтын ажиллагааны газрын шинжээч, профессор Сасаки Кохэй, Такахаши Шого, Сургалт, судалгааны хүрээлэнгийн хуульч, өмгөөлөгч Хирота Кей, “Жайка”-ийн Монгол дахь төлөөлөгчийн газрын хүний нөөцийн менежер А.Сайхантуяа нар оролцлоо.