“МОНГОЛ УЛСАД ЖЕНДЭРТ СУУРИЛСАН ХҮЧИРХИЙЛЭЛТЭЙ ТЭМЦЭХ ТОГТОЛЦООГ БЭХЖҮҮЛЭХ НЬ” ТӨСЛИЙН УДИРДАХ ХОРООНЫ АНХДУГААР ХУРАЛ БОЛЛОО

Канад Улсын Засгийн газрын санхүүжилттэй Олон улсын эрх зүйн хөгжлийн байгууллага (ОУЭЗХБ) хэрэгжүүлж буй “Монгол Улсад жендэрт суурилсан хүчирхийлэлтэй тэмцэх тогтолцоог бэхжүүлэх нь (2025–2030)” төслийн удирдах хорооны анхдугаар хурал 2025 оны 10 дугаар сарын 17-ны өдөр болж, төслийн таван жилийн үйл ажиллагааны хэрэгжилтийн төлөвлөгөө (2025–2030) болон эхний жилийн үйл ажиллагааны төлөвлөгөө, гол зорилтууд, цаашдын чиглэл болон Монгол Улсын жендэрт суурилсан хүчирхийлэлтэй тэмцэх бодлоготой уялдуулах асуудлыг хэлэлцлээ.
Төслийн Удирдах хорооны бүрэлдэхүүнд Канадын Гадаад хэргийн яам, Хууль зүй, дотоод хэргийн яам, Улсын Дээд шүүх, Шүүхийн ерөнхий зөвлөл, Хүний эрхийн үндэсний комисс, Улсын Ерөнхий прокурорын газар, Гэмт хэргээс урьдчилан сэргийлэх ажлыг зохицуулах зөвлөл, Гэр бүл, хөдөлмөр, нийгмийн хамгааллын яам, Жендэрийн үндэсний хороо, Монголын Хуульчдын Холбоо, Иргэний нийгмийн байгууллагын хамтын хүч түншлэл төрийн бус байгууллагууд зэрэг төр, олон улсын болон иргэний нийгмийн байгууллага (ИНБ)-уудын 15 төлөөлөл багтаж байна.
Уг төсөл нь 2019–2022 онд хэрэгжсэн Нэгдүгээр шатны төслийн амжилт, үр дүнд тулгуурлан ИНБ, хууль сахиулах, шүүх эрх мэдлийн байгууллагын алба хаагчдын чадавхыг бэхжүүлэх, гэр бүлийн хүчирхийллээс урьдчилан сэргийлэх, салбар дундын хамтын ажиллагаа, уялдаа холбоог сайжруулах, хүний эрхэд суурилсан хариу арга хэмжээг үзүүлэхэд нь дэмжлэг үзүүлнэ.
Хурлыг ОУЭЗХБ-ын Суурин төлөөлөгч Чарльз Болланд, Хууль зүй дотоод хэргийн яамны Төрийн нарийн бичгийн дарга Н.Мягмар, мөн Канад Улсын Элчин сайдын яамны Хөгжлийн хөтөлбөрийн тэргүүн Жан-Стефан Кутюр нар нээж, Хууль зүй дотоод хэргийн яамны Төрийн нарийн бичгийн дарга Н.Мягмар болон Канад Улсын Гадаад хэргийн яамны Монгол ба Номхон далайн орнуудын Хөгжлийн хөтөлбөрийн ахлах мэргэжилтэн Марун Абу Файсал нар хамтран даргалсан.
Хурлын явцад гишүүд гэр бүлийн хүчирхийлэл/жендэрт суурилсан хүчирхийллийн эсрэг тэмцэж буй засгийн газар, иргэний нийгэм, шүүх эрх мэдэл, хууль сахиулах, нийгмийн хамгаалал болон бусад салбарын хамтын ажиллагаа, ажлын уялдаа холбоог сайжруулах, нотолгоонд суурилсан бодлого боловсруулж, хэрэгжүүлэх хэрэгцээ шаардлагын талаар онцоллоо.
Төслийн хоёрдугаар шат нь малчид, орон нутгийн иргэд болон өсвөр насны охид, хөвгүүдэд тусгайлан чиглэж байгаа ба эхний жилийн үйл ажиллагааны төлөвлөгөөнд Гэр бүл, насанд хүрээгүй хүний хэргийн дагнасан шүүхэд дэмжлэг үзүүлэх, гэр бүлийн хүчирхийллийн хохирогчид сэтгэл зүйн гэмтэлд суурилсан хууль зүйн үйлчилгээ үзүүлэх мэргэжилтнүүдийн чадавхыг бэхжүүлэх, орон нутгийн иргэдэд чиглэсэн сургалт мөн өсвөр насны хөвгүүдэд зориулсан эрүүл харилцаа болон амьдралын ур чадварын хөтөлбөрийг туршилтаар хэрэгжүүлэх зэрэг үйл ажиллагааг хэрэгжүүлэхээр төлөвлөж байна.
Төслийн үйл ажиллагааны талаар дэлгэрэнгүй мэдээлэлтэй https://www.facebook.com/IDLOmongol холбоосоор орж танилцана уу.

Энэ мэдээ танд ямар санагдав?
1
0
0
0
0
0
Холбоотой мэдээлэл
0 Сэтгэгдэл
ШИНЭ МЭДЭЭ
ХҮҮХДИЙН ЭРХИЙГ ХАМГААЛАХ ДЭД ХОРООНЫ ЗОХИЦУУЛАГЧИД НЭРЭЭ ДЭВШҮҮЛЭХИЙГ УРЬЖ БАЙНА
4 мин
МЭДЭЭЛЭЛ
1 цаг 22 мин
ХУУЛИЙН ТӨСӨЛД САНАЛ АВЧ БАЙНА
2026-11-16 10:24
ЭМГЭНЭЛ
2026-11-13 19:46
“ШҮҮГЧИЙН ЁС ЗҮЙ, САХИЛГА: ЗАЛГАМЖ ЧАНАР, ШИНЭЧЛЭЛ” СЭДЭВТ СИМПОЗИУМ БОЛЛОО
2026-11-13 15:09
2026 ОНЫ ХУУЛЬЧИЙН МЭРГЭЖЛИЙН ШАЛГАЛТАД 149 ОРОЛЦОГЧ ТЭНЦЛЭЭ
2026-11-09 21:33
“ӨМГӨӨЛӨГЧИЙН МАРКЕТИНГ” СУРГАЛТ БОЛНО
2026-11-09 16:06
“ГЭР БҮЛИЙН ЭРХ ЗҮЙН ШИНЭЧЛЭЛ, ПРАКТИК ХЭРЭГЛЭЭ: ИРГЭНИЙ ЭРХ ЗҮЙН-2026 ӨДӨРЛӨГ”  БОЛЛОО
2026-11-09 15:49
ДАРХАН-УУЛ, СЭЛЭНГЭ АЙМГИЙН ХУУЛЬЧДАД СУРГАЛТ ЗОХИОН БАЙГУУЛЛАА
2026-11-06 16:48
МЭДЭЭЛЭЛ
2026-11-05 12:24
2026 ОНЫ ХУУЛЬЧИЙН МЭРГЭЖЛИЙН ШАЛГАЛТЫН ДҮН ГАРЛАА
2026-11-04 20:20
НИЙСЛЭЛ ДЭХ ГЭР БҮЛ, ХҮҮХДИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН НЭЭЛТ БОЛЛОО
2026-11-04 14:40
ГЭР БҮЛ, ХҮҮХДИЙН ХЭРГИЙН ДАГНАСАН ШҮҮХИЙН ҮЙЛ АЖИЛЛАГАА ЭХЭЛЛЭЭ
2026-11-02 14:57
ХУУЛИЙН ТӨСЛИЙН ХЭЛЭЛЦҮҮЛЭГ БОЛЛОО
2026-11-02 10:07
ХУУЛЬЧ ТАНД БАЯР ХҮРГЭЕ!
2026-10-26 16:15
ХУУЛЬЧДАД ЗОРИУЛСАН АНГЛИ ХЭЛНИЙ ЭРЧИМЖҮҮЛСЭН СУРГАЛТАД БҮРТГЭЖ БАЙНА
2026-10-23 17:32
ХУУЛИЙН ТӨСӨЛ БОЛОВСРУУЛАГЧИЙН СУРГАЛТ БОЛЛОО
2026-10-23 15:09
ХУУЛЬЧДАД ЗОРИУЛСАН АНХАН ШАТНЫ ТУСЛАМЖИЙН СУРГАЛТ
2026-10-22 09:25
ХЭЛЭЛЦҮҮЛЭГТ УРЬЖ БАЙНА
2026-10-21 16:27
ШИНЭ НОМЫН НЭЭЛТ БОЛНО
2026-10-21 10:31