Монгол Улсын Дээд шүүхийн Эрүүгийн хэргийн танхимаас эрүүгийн хэрэг хянан шийдвэрлэх ажиллагааны практикт тулгамдаж буй асуудлыг оролцогч талуудын саналыг сонсох, нээлттэй хэлэлцүүлэг өрнүүлэн тодорхойлох зорилгоор 2025 оны 12 дугаар сард "Эрүүгийн хэргийн шүүхийн практик 2025" сэдэвт хэлэлцүүлгийг зохион байгуулахаар төлөвлөжээ. Тус хэлэлцүүлгийн үеэр хөндөх сэдэв, асуудлын саналыг Монголын Хуульчдын холбооны mbakholboo@gmail.com хаягаар 2025 оны 10 дугаар сарын 30-ны өдрийн дотор хүлээн авч байна. 

Саналыг эрүүгийн хэрэг хянан шийдвэрлэх ажиллагааны бүхий л үе шатны талаар асуудал дэвшүүлэх байдлаар болон санал шүүмж, асуултын болон бусад хэлбэрээр ирүүлж болох бөгөөд хэлэлцүүлгийн үр дүнд хэрэг хянан шийдвэрлэх ажиллагаан дахь хүний эрхийн хамгаалалтыг бэхжүүлэх, шүүхийн үйл ажиллагааны чанар, үр нөлөөг дээшлүүлэх, хууль хэрэглээний нэгдмэл байдлыг хангах зорилгоор Монгол Улсын шүүхийн тухай хуульд заасны дагуу хуулийг зөв хэрэглэх талаар албан ёсны тайлбар гаргах, хууль санаачлагчид санал уламжлах болон холбогдох бусад арга хэмжээг авч хэрэгжүүлэх ажээ.