Өмгөөллийн "Анта Партнерс" ХХК-иас Хөдөлмөрийн тухай хууль /шинэчилсэн найруулга/, эрх зүйн баримт бичиг номыг 2022 онд хэвлүүлж, нийтэд хүргэсэн бөгөөд энэ удаа 2 дахь хэвлэл буюу "Хөдөлмөрийн хууль тогтоомж, эрх зүйн баримт бичгийн эмхэтгэл" номыг хэвлүүлж, худалдаанд гаргажээ. Энэхүү ном нь өмгөөлөгчдийн өдөр тутмын мэргэжлийн үйл ажиллагаанд шаардлагатай, хуульчийн ширээний ном болох бөгөөд тус номонд Хөдөлмөрийн тухай хууль, эрх бүхий байгууллага, албан тушаалтнаас баталсан дүрэм, журам багтсанаас гадна эдгээр эрх зүйн баримтад нийцүүлэн боловсруулсан баримт бичгийн багц төсөл орсон нь бусад ижил төрлийн бүтээлээс ялгарах онцлог ажээ.