Монгол Улсад хүний эрх, эрх чөлөө, шударга ёсыг тогтоох, хууль зүйн салбарын тогтолцоог бэхжүүлэх, Монголын Хуульчдын холбоог хөгжүүлэх үйлсэд хамтран ажиллаж, үнэтэй хувь нэмэр оруулсныг нь үнэлэн Олон Улсын эрх зүйн хөгжлийн эрх зүйн байгууллагын Суурин төлөөлөгч Чарльз Болландыг Монголын Хуульчдын холбооны “Хүндэт тэмдэг”-ээр шагналаа.

Шагналыг өнгөрсөн баасан гарагт Монголын Хуульчдын холбооны Тамгын газрын дарга Ш.Жолбарс, Эвлэрүүлэн зуучлалыг дэмжих хорооны Тэргүүн Д.Түмэнжаргал нар гардуулан өгч, талархал илэрхийлж, ажлын амжилт хүссэн юм.