Монголын Хуульчдын холбооны Эвлэрүүлэн зуучлалыг дэмжих хорооноос санаачлан боловсруулж, магадлан итгэмжлүүлсэн “Эвлэрүүлэн зуучлалын зохицуулалтын онол, арга зүй” сургалтын хөтөлбөрийн хүрээнд өнөөдөр хуульчийн үргэлжилсэн сургалт зохион байгууллаа.
Тус сургалтаар Эвлэрүүлэн зуучлалыг дэмжих хорооны Удирдах зөвлөлийн гишүүн, Дархан-Уул аймаг дахь сум дундын анхан шатны шүүхийн шүүгч, сургагч багш З.Тунгалагмаа “Эвлэрүүлэн зуучлалын хэв маяг, арга барил, Ашиг сонирхолд суурилсан, дэмжлэг үзүүлэх эвлэрүүлэн зуучлах ажиллагааны үе шат” сэдвээр, Дүүргийн эрүү, иргэний хэргийн хялбар ажиллагааны анхан шатны тойргийн шүүхийн шүүгч, ШЕЗ-ийн дэргэдэх Эвлэрүүлэн зуучлагчдын зөвлөлийн дарга, сургагч багш Т.Болормаа “Эвлэрлийн гэрээ байгуулахад анхаарах асуудал” сэдвээр хичээл заасан.
Энэхүү сургалтад 36 хуульч хамрагдсан бөгөөд хуульчийн үргэлжилсэн сургалтын нэг багц цаг тооцлоо.
