Монголын Хуульчдын холбооны 2025 оны хуульчийн мэргэжлийн шалгалтад 1211 эрх зүйч бүртгүүлж оролцсоноос 100 эрх зүйч шалгалтад тэнцсэн. Үүнээс холбооны Ерөнхийлөгчийн 2026 оны нэгдүгээр сарын 26-ны өдрийн тушаалаар гишүүнээр элсүүлсэн 19 хуульчийн тангараг өргөх ёслолын ажиллагааг өнөөдөр зохион байгууллаа.

Тангараг өргөх ёслолын ажиллагааг Монголын Хуульчдын холбооны Тамгын газрын дарга Ш.Жолбарс удирдан чиглүүлсэн бөгөөд Монголын Хуульчдын холбооны Ерөнхийлөгч М.Мөнхбат, Үндсэн хуулийн эрх зүйн хорооны тэргүүн, гавьяат багш Ш.Цогтоо нар оролцож, шинэ хуульчдад мэргэжлийн үйл ажиллагаа эрхлэх зөвшөөрлийн гэрчилгээг гардуулж, баяр хүргэн, цаашдын ажилд нь амжилт хүслээ.