Улсын Их Хурлын гишүүн Б.Жаргалангийн санаачилсан Захиргааны хэрэг шүүхэд хянан шийдвэрлэх тухай хуульд оруулах нэмэлт өөрчлөлтийн төслийн хэлэлцүүлгийг Монголын Хуульчдын холбооны Захиргааны эрх зүйн хороотой хамтран 2026 оны хоёрдугаар сарын 04-ний өдөр зохион байгууллаа.
Хэлэлцүүлгийг Захиргааны эрх зүйн хорооны тэргүүн, Нийслэл дэх Захиргааны хэргийн анхан шатны шүүхийн Ерөнхий шүүгч Т.Мөнх-Эрдэнэ нээж үг хэлсэн бол илтгэгчээр хуульч Н.Ариунболд, чиглүүлэгчээр Захиргааны эрх зүйн хорооны Удирдах зөвлөлийн гишүүн А.Түвшинтөгс нар оролцлоо.
Захиргааны хэрэг шүүхэд хянан шийдвэрлэх тухай хуульд оруулах нэмэлт, өөрчлөлтийн төслийг зүйл, заалт бүрээр тайлбарласны дараа хэлэлцүүлэгт оролцсон хуульчид уг төслийн талаарх үзэл бодлоо илэрхийлж санал солилцсон бөгөөд хэлэлцүүлэгт оролцогчдын олонх нь хуулийн төслийн бодит хэрэгцээ шаардлагын талаар тодруулж, хуулийн төслийг онол, практикийн судалгаанд тулгуурлан үндэслэл сайтай чанартай боловсруулах, зарим хэсгийг сайжруулах, зарим хэсгийг төслөөс хасах талаар холбогдох саналуудыг хэлсэн юм.
