Монголын Хуульчдын холбооны Ерөнхийлөгч М.Мөнхбат, “Солонгон гүүр” төрийн бус байгууллагын гүйцэтгэх захирал Т.Хишигжаргал нар өнөөдөр хамтран ажиллах санамж бичигт гарын үсэг зурж баталгаажууллаа.

Энэхүү санамж бичиг нь талуудын хамтын ажиллагааг өргөжүүлэх, хуульчдын мэргэжлийн ур чадварыг дээшлүүлэх, олон улсын туршлага солилцоог дэмжих зорилготой юм. Санамж бичгийн хүрээнд Монголын Хуульчдын холбооны гишүүн хуульчдыг Бүгд Найрамдах Солонгос Улсын хуулийн байгууллагууд болон хууль зүйн их сургуулиудад туршлага судлуулах, сургах, мэргэшүүлэх ажлыг хамтран зохион байгуулахаар тохиролцов.