Монголын Хуульчдын холбооны Эвлэрүүлэн зуучлалыг дэмжих хорооны Удирдах зөвлөл 2026 оны 03 дугаар сарын 04-ний өдөр хуралдлаа.

Хурлаар хорооны 2026 оны төлөвлөгөөг шинэчлэн батлах, төлөвлөсөн ажлуудыг хугацаанд хэрэгжүүлэхэд анхаарч ажиллах, Шүүхийн бус журмаар өр барагдуулах үйл ажиллагааг зохицуулах тухай хуулийн төсөлд санал өгөх зэрэг асуудлыг хэлэлцсэн. Тодруулбал, Хорооны бүх гишүүдийн нээлттэй өдөрлөг зохион байгуулах, Бизнесийн байгууллагууд болон гадаад хөрөнгө оруулагч нарт зориулсан эвлэрүүлэн зуучлалын сургалт явуулах, их дээд сургуулийн оюутнуудын дунд “Meditation-2026” эвлэрүүлэн зуучлалын чиглэлээр видео контент бүтээх уралдаан зарлах зэрэг ажлыг хэрэгжүүлэхээр шийдвэрлэлээ. Мөн Эвлэрүүлэн зуучлалын үндэсний болон Олон Улсын өдөртэй болох, Эвлэрүүлэн зуучлалын долоо хоногийн аян зохион байгуулах санаачилгыг гарган ажиллахаар боллоо.