Монголын Хуульчдын холбооны Ерөнхийлөгч М.Мөнхбат өнөөдөр/2026.03.20/ Монголын Шүүгчдийн холбооны Тэргүүн, Улсын дээд шүүхийн шүүгч Д.Батбаатарыг хүлээн авч уулзлаа.
Уулзалтын үеэр хоёр байгууллагын бүтэц, чиг үүрэг, цаашдын хамтын ажиллагааны чиглэл, хэрэгжүүлэх ажлын төлөвлөгөөний талаар санал солилцож, цаашид шүүгч хуульчдын талаарх олон нийтийн ойлголтыг нэмэгдүүлэх, хамтарсан судалгаа, эрдэм шинжилгээний хурал, сургалт зохион байгуулах чиглэлээр хамтын ажиллагааны санамж бичиг байгуулахаар тохиролцлоо.
Уулзалтад Монголын Хуульчдын холбооны Шүүгчдийн хорооны Тэргүүн, шүүгч Л.Батбаатар, Тамгын газрын дарга Ш.Жолбарс, Монголын Шүүгчдийн холбооны Гүйцэтгэх захирал Т.Туяа, Хэвлэл мэдээллийн ажилтан М.Наранчимэг нар оролцов.
