ӨГЛӨӨНИЙ УУЛЗАЛТ БОЛЛОО

Монголын Хуульчдын холбоо нь хороодоороо дамжуулан хуульчдынхаа эрх зүйн мэдлэг, хууль хэрэглээний ур чадварт нь дэм болох зорилгоор эрх зүйн хөгжил болон хууль хэрэглээний асуудлаар хэлэлцүүлэг өрнүүлэн харилцан туршлага солилцохоор “Өглөөний уулзалт”-ыг зохион байгуулдаг. Өнөөдрийн уулзалтыг Шүүгчдийн хороо, Иргэний эрх зүйн хороо, Эрүүгийн эрх зүйн хороо хамтран зохион байгуулж, “Хялбаршуулсан журмаар хэрэг шийдвэрлэх ажиллагаа, эрх зүйн хөгжил” сэдвээр ярилцлаа.

Энэ удаагийн уулзалтыг Шүүгчдийн хорооны гишүүн, Нийслэлийн Иргэний хэргийн давж заалдах шатны шүүхийн шүүгч Э.Энэбиш чиглүүлж, зочноор Улсын дээд шүүхийн шүүгч асан, АНУ-ын Техас мужид төвтэй “Спурлок” сангийн Удирдах зөвлөлийн гишүүн Г.Ганзориг оролцож, эрүүгийн хэрэг хянан шийдвэрлэх ажиллагааг хялбаршуулсан журмаар шийдвэрлэх онцлог, АНУ-ын Техас мужийн эрүүгийн процессын хуулийн орчин, хэргийг тохиролцооны /хялбаршуулан/ журмаар шийдвэрлэдэг туршлага, эрх зүйн хөгжлийн тухай болон манай улсын эрүүгийн процессын хуульд оруулбал зохих зохицуулалт, анхаарах зүйлийн талаар сонирхолтой яриа өрнүүллээ.

Уулзалт, ярилцлагаас онцолбол:

-Яллагдагч, шүүгдэгч тохиролцооны хэлбэрийг сонгон зарим үндсэн эрхээс татгалзах нь сайн дурын үндсэн дээр үүссэн, үр дагаврыг бүрэн ухамсарлан ойлгосон эсэхийг тайлбарлан таниулсан байх;

-АНУ-ын Техас мужийн хуулиар прокурор тохиролцох санал гаргах, хэргийн зүйлчлэлийг хөнгөрүүлэн тохиролцох эрхтэй байдаг бол харин манай улсын ЭХХШтХ-иар прокурорт ийм эрх олгогдоогүй байдаг нь хэргийг хялбаршуулсан журмаар шийдвэрлэх боломжийг хязгаарладаг;

-Манай улсын хуулиар хэргийг шүүхэд шилжүүлэх, мөрдөн шалгах ажиллагааны хатуу хугацаа тогтоосон нь (Техас муж болон олон улсад шүүх хугацааг өөрөө тогтоодог) шийдвэр гаргагч хугацаанд баригдалгүй үндэслэлтэй шийдвэр гаргах боломжийг хязгаарладаг гэж үздэг;

-Тохиролцоо хийгдэж байгаа нөхцөлд прокурор яллах дүгнэлт үйлдэхгүй, харин "Тохиролцооны гэрээ"-г бичгээр байгуулдаг (хохиролтой хэргийн хувьд хохирлын асуудлыг гэрээний нэг хэсэг болгон оруулж үр дагаврыг тохиролцдог)журам нь яллах чиг үүргээс ангид байгааг илэрхийлдэг зэрэг асуудлыг хөндлөө.

Мөн уулзалтын үеэр зочин илтгэгч Г.Ганзориг нь хуульчийнхаа хувьд сүүлийн 5 жилийн хугацаанд хийсэн судалгаанд үндэслэн саяхан "Спурлок Сан"-аас хэвлэн гаргасан “Шүүх хуралдааны явцад хэлцэл, тохиролцоогоор хэрэг шийдвэрлэх, Америкийн Нэгдсэн Улсын Техас мужийн шүүхийн ажиллагааны талаарх тойм судалгаа” номыг танилцуулж, уг судалгаанд үндэслэн Монгол Улсын Эрүүгийн хэрэг хянан шийдвэрлэх тухай хуулийн 17 дугаар бүлэгт хамаарах зохицуулалтад тодорхой санал дэвшүүлснийг танилцууллаа.

Энэ мэдээ танд ямар санагдав?
0
0
0
0
0
0
Холбоотой мэдээлэл
0 Сэтгэгдэл
ШИНЭ МЭДЭЭ
ХУУЛИЙН ТӨСӨЛД САНАЛ АВЧ БАЙНА
2026-11-16 10:24
ЭМГЭНЭЛ
2026-11-13 19:46
“ШҮҮГЧИЙН ЁС ЗҮЙ, САХИЛГА: ЗАЛГАМЖ ЧАНАР, ШИНЭЧЛЭЛ” СЭДЭВТ СИМПОЗИУМ БОЛЛОО
2026-11-13 15:09
2026 ОНЫ ХУУЛЬЧИЙН МЭРГЭЖЛИЙН ШАЛГАЛТАД 149 ОРОЛЦОГЧ ТЭНЦЛЭЭ
2026-11-09 21:33
“ӨМГӨӨЛӨГЧИЙН МАРКЕТИНГ” СУРГАЛТ БОЛНО
2026-11-09 16:06
“ГЭР БҮЛИЙН ЭРХ ЗҮЙН ШИНЭЧЛЭЛ, ПРАКТИК ХЭРЭГЛЭЭ: ИРГЭНИЙ ЭРХ ЗҮЙН-2026 ӨДӨРЛӨГ”  БОЛЛОО
2026-11-09 15:49
ДАРХАН-УУЛ, СЭЛЭНГЭ АЙМГИЙН ХУУЛЬЧДАД СУРГАЛТ ЗОХИОН БАЙГУУЛЛАА
2026-11-06 16:48
МЭДЭЭЛЭЛ
2026-11-05 12:24
2026 ОНЫ ХУУЛЬЧИЙН МЭРГЭЖЛИЙН ШАЛГАЛТЫН ДҮН ГАРЛАА
2026-11-04 20:20
НИЙСЛЭЛ ДЭХ ГЭР БҮЛ, ХҮҮХДИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН НЭЭЛТ БОЛЛОО
2026-11-04 14:40
ГЭР БҮЛ, ХҮҮХДИЙН ХЭРГИЙН ДАГНАСАН ШҮҮХИЙН ҮЙЛ АЖИЛЛАГАА ЭХЭЛЛЭЭ
2026-11-02 14:57
ХУУЛИЙН ТӨСЛИЙН ХЭЛЭЛЦҮҮЛЭГ БОЛЛОО
2026-11-02 10:07
ХУУЛЬЧ ТАНД БАЯР ХҮРГЭЕ!
2026-10-26 16:15
ХУУЛЬЧДАД ЗОРИУЛСАН АНГЛИ ХЭЛНИЙ ЭРЧИМЖҮҮЛСЭН СУРГАЛТАД БҮРТГЭЖ БАЙНА
2026-10-23 17:32
ХУУЛИЙН ТӨСӨЛ БОЛОВСРУУЛАГЧИЙН СУРГАЛТ БОЛЛОО
2026-10-23 15:09
ХУУЛЬЧДАД ЗОРИУЛСАН АНХАН ШАТНЫ ТУСЛАМЖИЙН СУРГАЛТ
2026-10-22 09:25
ХЭЛЭЛЦҮҮЛЭГТ УРЬЖ БАЙНА
2026-10-21 16:27
ШИНЭ НОМЫН НЭЭЛТ БОЛНО
2026-10-21 10:31
“ИРГЭНИЙ ЭРХ ЗҮЙ – 2026” ӨДӨРЛӨГТ УРЬЖ БАЙНА
2026-10-20 10:09
ХУУЛИЙН ТӨСӨЛ БОЛОВСРУУЛАГЧИЙН СЕРТИФИКАТ ОЛГОХ СУРГАЛТ БОЛНО
2026-10-19 10:53