Монголын Хуульчдын холбооны Дорнод аймаг дахь салбар зөвлөлөөс аймгийнхаа хуульчдад зориулан өглөөний уулзалт зохион байгуулжээ. Энэ удаагийн уулзалтын зочноор Америкийн тэргүүлэх хуулийн философич Роналд Дворкины “Хуулийн эзэнт гүрэн” номын орчуулагч, хуульч Л.Наранбаярыг урьж, тус бүтээлийн гол үзэл санаа, хууль тайлбарлах онол арга зүйн талаар чөлөөт ярилцлага өрнүүлсэн байна.

    Тус уулзалтад 30 гаруй хуульч оролцсон бөгөөд уулзалтын үеэр жил бүрийн тавдугаар сарын 01-ний өдөр уламжлан болон зохион байгуулдаг "Хуульчийн про боно өдөр"-ийг орон нутагтаа хэрхэн үр дүнтэй зохион байгуулах болон салбар зөвлөлийн хүрээнд хийж хэрэгжүүлэх ажлын талаар санал солилцжээ.

    Энэ удаагийн өглөөний уулзалтад идэвхтэй оролцсон нийт хуульчид болон өөрийн үнэт цагийг зориулж орчуулгын бүтээлээ танилцуулсан хуульч, өмгөөлөгч Л.Наранбаярт талархал илэрхийлж, ажлын амжилт хүсье.