Монголын Хуульчдын холбоо, Санхүүгийн зохицуулах хороо нь 2018 онд хамтран ажиллах санамж бичиг байгуулж, 2019 оноос үнэт цаасны зах зээлд үйлчилгээ үзүүлэх хуульчдад эрх олгох сургалтыг тогтмол зохион байгуулж байгаа билээ.
Тус сургалтын чанар хүртээмжийг сайжруулах, сургалтын арга барилыг шинэчлэх зорилгоор өнөөдөр(2026.03.31) Санхүүгийн зохицуулах хороо болон Монголын Хуульчдын холбооны сургагч багш нарт чадавхжуулах сургалтыг зохион байгууллаа.
Энэ удаагийн сургалтаар “Хөх тэнгис” хувь хүний хөгжлийн сургалтын төвийн мэргэжлийн сургагч багш М.Ариумаа “Илтгэх ур чадвар” сэдвээр, “Хан голомт” консалтингийн үүсгэн байгуулагч, Монголын Хуульчдын холбооны Сургалтын хорооны гишүүн, сургагч багш Ц.Азбаяр “Насанд хүрэгчдийн сургалтын онцлог ба аргачлал” сэдвээр хичээл заасан бөгөөд сургалтад 25 сургагч багш хамрагдлаа.
