Монголын Хуульчдын холбооны гишүүн хуульч, Эврүүлэн зуучлалыг дэмжих хорооны Удирдах зөвлөлийн гишүүн, Олон улсын арбитрын арбитрч Сүхбаатарын Уянгаа нь БНХАУ-ын хамгийн том арбитр болох Олон Улсын Эдийн засаг, худалдааны арбитрын комиссын Арбитрчаар 2026 оны тавдугаар сарын 1-ний өдрөөс эхлэн томилогджээ.
С.Уянгаа нь Монгол, Хятадын аж ахуйн нэгж болон бизнес эрхлэгчдийн хоорондох худалдаа арилжаа, хөрөнгө оруулалтыг аливаа эрсдэлээс урьдчилан сэргийлэх үүднээс хууль зүйн зөвлөгөө үзүүлэх, худалдаанаас үүссэн маргааныг эвлэрүүлэн зуучлах, шийдвэрлэх зэрэг бүхий л хууль зүйн асуудалд хятадын хууль зүйн байгууллагууд нэгдэн орсон БНХАУ-ын Худалдааны маргаанаас урьдчилан сэргийлэх ба шийдвэрлэх 60 гаран улсын гишүүнчлэлтэй олон улсын байгууллагын хяналтын хорооны гишүүн, арбитрч бөгөөд 2025 оны нэгдүгээр сараас эхлэн далайн болон төмөр замын, ложистик тээвэр, худалдааны маргааныг шийдвэрлэх Хятадын Олон улсын далайн хэргийн арбитрын комиссын арбитрчаар томилогдон ажиллаж байна.
Монголын аж ахуйн нэгж, бизнес эрхлэгчид Хятад Улсад хууль эрх зүйн чиглэлээр докторт сурч төгссөн, Хятадын болон Монголын хууль тогтоомжийг хэрэглэж чадах монгол арбитрчтай боллоо.
Тэрбээр Монгол, Хятадын худалдаа, эдийн засгийн хамтын ажиллагааг өргөжүүлэн, үндэсний үйлдвэрлэгчдийг дэмжих, бараа бүтээгдэхүүнийг Хятад Улсад сурталчлан таниулах, Хятадын зах зээлд гаргах зорилготой Монгол-Хятадын ЭКСПО үйл ажиллагааг санаачлагч бөгөөд 2017 онд БНХАУ-ын ӨМӨЗО-ны Хөх хотод зохион байгуулсан Монгол-Хятадын 2 дахь удаагийн ЭКСПО-ын ерөнхий зохион байгуулагчаар Хятадад ажиллаж байжээ.
