Монголын Хуульчдын холбооны Олон Улсын эрх зүйн хорооны Удирдах зөвлөлийн гишүүн, хуульч Ишгэний Балжинням нь Итали Улсын Павиа хотын Ахисан түвшний судалгааны их сургууль (IUSS Pavia)-ийн Тогтвортой хөгжил болон Уур амьсгалын өөрчлөлтийн үндэсний хөтөлбөрийн хүрээнд докторын зэргээ амжилттай хамгааллаа.

Түүний докторын судалгааны сэдэв нь “Shaping Foreign Investor Accountability: State Capacity, FDI Dependence and the Rise of Extraterritorial Regulation” бөгөөд Монгол, Казахстан, Ботсвана зэрэг хөрөнгө оруулалт хүлээн авагч орнууд болон Их Британи, Европын Холбоо (Франц), Хятад, Канад зэрэг хөрөнгө оруулагч орнуудын зохицуулалтын тогтолцоог харьцуулан судалсан онцлогтой бүтээл юм.

Энэхүү судалгаа нь гадаадын хөрөнгө оруулалтын хариуцлагын эрх зүйн орчин, хяналт зохицуулалтын шинэ хандлагыг тодорхойлсон, олон улсын эрх зүйн шинжлэх ухаанд хувь нэмэр оруулсан чухал ажил болж байна.

Хуульч Ишгэний Балжинням танд баяр хүргэж, цаашдын эрдэм судлал, мэргэжлийн үйл ажиллагаанд амжилт хүсье.