Монголын Хуульчдын холбооны Ерөнхийлөгч Б.Гүнбилэг өнөөдөр Улсын Их Хурлын гишүүн, Засгийн Газрын гишүүн, Хууль зүй, дотоод хэргийн сайд С.Бямбацогттой уулзаж баяр хүргэн, ажлын амжилт хүслээ.

    Уулзалтын үеэр Хуульчдын холбооны Ерөнхийлөгч Б.Гүнбилэг “Монголын Хуульчдын холбоо нь Хууль зүй, дотоод хэргийн яамнаас гаргаж буй шийдвэр, хуулийн төсөл боловсруулах үйл ажиллагаанд дэмжлэг үзүүлж, хамтран оролцож ажиллах болно” хэмээгээд “Цаашид боловсруулах хууль тогтоомжуудад хуульчдын эрх, хууль ёсны ашиг сонирхлыг хамгаалахаас гадна хуульчдын дуу хоолойг сонсож байна гэдэгт итгэж байна” гэдгээ уламжиллаа. Хууль зүйн, дотоод хэргийн сайд С.Бямбацогтын хувьд “Монголын Хуульчдын холбоотой нягт хамтран ажиллах болно” гэлээ.