Монголын Хуульчдын холбооны Тамгын газраас зарласан нээлттэй ажлын байрны сонгон шалгаруулалтыг Хуульчдын холбооны Зөвлөлийн 2016 оны 10 дугаар сарын 31-ний өдрийн хурлын 38 дугаар тогтоолоор батлагдсан Монголын Хуульчдын холбооны Тамгын газрын ажилтныг сонгон шалгаруулах журмын дагуу 2016 оны 07 дугаар сарын 28-ны өдөр зохион байгууллаа.

    Эхний шатны Хуульчдын холбооны бодлого, хуульчийн эрх зүйн байдалтай холбогдох хууль эрх зүйн болон логик сэтгэлгээг тогтооход чиглэсэн ерөнхий мэдлэгийн шалгалтад 33 иргэн оролцсон бөгөөд Тамгын газрын ажилтныг сонгон шалгаруулах журамд заасны дагуу 36-аас дээш оноо авсан найман иргэн дараагийн шатанд тэнцсэн.

    Тус найман иргэнээс хоёрдугаар шатанд мэдлэг, ур чадварыг тогтоох хууль хэрэглээ, албан бичиг боловсруулалт, англи хэлний, гуравдугаар шатанд мэдлэг, хандлага, зан үйл тодорхойлох ярилцлагын шалгалт авснаас онооны жагсаалтаар Хуульчдын холбооны Шалгалтын хорооны мэргэжилтнээр Ц.Должинсүрэн, Сургалтын хорооны мэргэжилтнээр Г.Санчир нар ажиллахаар шалгарлаа. Харин Т.Нандинцэцэг, Р.Цэвэлмаа, Х.Дөлгөөн, С.Лхагвасүрэн, М.Оюунтуяа нар нөөцөд  бүртгэгдлээ.