Хуульч мэргэжлийн үйл ажиллагаа эрхлэхдээ Хуульчийн эрх зүйн байдлын тухай хуулийн 26 дугаар зүйлийн 26.1.2 дахь хэсэгт заасны дагуу Хуульчдын холбооны гишүүн байж, гишүүний татвар төлөх үүрэгтэй.
Мөн хуулийн 26 дугаар зүйлийн 26.3 дахь хэсэгт “Хуульч нь гишүүний татвараа хүндэтгэн үзэх шалтгаангүйгээр 3 сар дараалан төлөөгүй нь Хуульчдын холбоо түүний мэргэжлийн үйл ажиллагаа эрхлэх зөвшөөрлийг хүчингүй болгох үндэслэл болно” гэж заасан хуулийн зохицуулалтын хэрэгжилтийг Монголын Хуульчдын холбооны зүгээс хангаж ажиллах болсныг мэдэгдэж байна.
Хуульчид та бүхэн 2016 оны 10 дугаар сарын 01-ний өдрөөс өмнө гишүүний татвараа бүрэн төлж, үүргийн биелэлтээ хангана уу.
Жич: Гишүүний татвараа 3 сараас дээш хугацаанд төлөөгүй болон Хуульчийн мэргэжлийн үйл ажиллагаа эрхлэх зөвшөөрөл түдгэлзүүлэх хүсэлт өгөх хүртэлх хугацааны татвар төлөөгүй бүх хуульчдад хамааралтай болохыг анхаарна уу.
Холбоо барих утас: 70116065, 70116004, 70116007
