Монголын Хуульчдын холбооны Эвлэрүүлэн зуучлалыг дэмжих асуудал эрхэлсэн хороо нь Монголын Банк бус санхүүгийн байгууллагуудын холбоотой хамтран практикт нийтлэг гардаг алдаа, дутагдлыг арилгах, банк бус санхүүгийн байгууллагуудад кэйс, аргачлал олгох зорилгоор "ШҮҮХ ДЭХ ЭВЛЭРҮҮЛЭН ЗУУЧЛАЛ, ТҮҮНИЙ ПРАКТИК” сэдвээр сургалт, хэлэлцүүлгийг 2016 оны 09 дүгээр сарын 16-ны өдөр амжилттай зохион байгууллаа.

    Энэхүү хэлэлцүүлэгт тус холбооны Эвлэрүүлэн зуучлалыг дэмжих асуудал эрхэлсэн хорооны тэргүүн Б.Энх-Эрдэнэ илтгэл тавьсан бөгөөд Банк бус санхүүгийн байгууллагууд эвлэрүүлэн зуучлах ажиллагааг практикт нэвтрүүлэх, зээл, барьцааны гэрээний асуудлаар эвлэрүүлэн зуучлах ажиллагаа явуулахад анхаарах асуудлууд, эвлэрүүлэн зуучлах, ажиллагаатай холбоотой тулгарч буй хүндрэл бэрхшээлийг хэрхэн шийдвэрлэх талаар туршлага солилцсоноороо онцлог байлаа.