Монголын Өмгөөлөгчдийн Холбоо, Монголын Хуульчдын Холбооны Өмгөөлөгчдийн хороо, МУИС-ийн Хууль зүйн сургууль хамтран 2016 оны 10 дугаар сарын 07-ны өдөр "Өмгөөллийн үйл ажиллагааны эрх зүйн орчин ба шинэчлэл" сэдэвт Онол практикийн бага хурлыг Хуульчдын танхимд зохион байгуулна. Хуралд "Өмгөөлөгч тэргүүн зэргийн хуульч болох нь: Эрүүгийн байцаан шийтгэх ажиллагаан дахь өмгөөлөгчийн оролцоо, үйл ажиллагаа явуулах эрх зүйн орчин" сэдвээр ШУ-ны гавъяат зүтгэлтэн, академич С.Нарангэрэл, "Иргэний хэрэг хянан шийдвэрлэх ажиллагаан дахь өмгөөлөгчийн оролцоо, эрх зүйн орчин" сэдвээр хуульч, өмгөөлөгч Ц.Давхарбаяр, "Захиргааны хэрэг хянан шийдвэрлэх ажиллагаан дахь өмгөөлөгчийн оролцоо, эрх зүйн орчин" сэдвээр хуульч өмгөөлөгч, доктор Г.Банзрагч, "Хууль зүйн зөвлөгөө өгөх үйл ажиллагааны эрх зүйн орчин" сэдвээр хуульч, өмгөөлөгч, доктор С.Цэрэндорж, "Гадаад орнуудын болон манай орны Өмгөөллийн байгууллага, түүний эрх зүйн орчин" сэдвээр Монголын Өмгөөлөгчдийн холбооны ерөнхийлөгч Б.Ганбаатар нар илтгэл тавьж, хэлэлцүүлэх юм. Хуульч, өмгөөлөгч та бүхнийг Онол практикийн бага хуралд идэвхтэй оролцож, өмгөөллийн үйл ажиллагаатай холбоотой саналаа илэрхийлэхийг уриалж байна. Оролцох хуульч, өмгөөлөгчдийг бүртгэж байна. Дэлгэрэнгүй мэдээллийг: 70127491, 70126861 дугаараас лавлаж, бүртгүүлнэ үү. Монголын Өмгөөлөгчдийн Холбоо, Монголын Хуульчдын холбооны Өмгөөлөгчдийн хороо