Мэргэжлийн хариуцлагын хорооны шинээр сонгогдсон гишүүд 2016 оны 10 дугаар сарын 18-нд анхны хурлаа хийж, хорооны даргаа сонголоо.  

     Мэргэжлийн хариуцлагын хорооны даргад гишүүн Д.Цэндсүрэн, Э.Золзаяа нарын нэрийг дэвшүүлж санал хураалт явуулсан бөгөөд хуралд оролцогчдын олонхын саналаар Нийслэлийн Иргэний хэргийн давж заалдах шатны шүүхийн шүүгч Энэбишийн Золзаяаг тус хорооны даргаар сонголоо.

    Мөн тус хурлаар Мэргэжлийн хариуцлагын хорооны маргаан хянан шийдвэрлэх бүрэлдэхүүнийг байгуулж, бүрэлдэхүүн тус бүрт гишүүдийг хуваарилах, Бүрэлдэхүүнд маргаан хуваарилах дарааллыг тогтоох, Маргаан хянан шийдвэрлэх хуралдаан даргалагчийн дараалал тогтоох зэрэг асуудлыг хэлэлцэн шийдвэрлэлээ.