УИХ-ын Хууль зүйн байнгын хорооноос хүсэлт гаргасны дагуу Хуульчдын холбооны Эдийн засгийн эрх зүйн хорооноос “Арбитрын тухай хуулийн шинэчилсэн найруулгын төсөл”-ийн хэлэлцүүлгийг 2016 оны арваннэгдүгээр сарын 02-нд зохион байгууллаа.

    Хэлэлцүүлгийн нээлтэд Хуульчдын холбооны ерөнхийлөгч Б.Гүнбилэг, УИХ-ын гишүүн Н.Учрал нар оролцож үг хэлсэн.  Энэ үеэр УИХ-ын гишүүн,  Арбитрын тухай хуулийн шинэчилсэн найруулгын төсөл боловсруулах ажлын хэсгийн ахлагч Н.Учрал “Одоогийн хүчин төгөлдөр үйлчилж буй Арбитрын тухай хуулийг НҮБ-ын загвар хуульд нийцүүлэн боловсруулсан боловч өнөөг хүртэл Монгол Улсын Арбитрын шийдвэрийг олон улсад хүлээн зөвшөөрөхгүй байгаа нь Арбитрын тухай хуулийг шинэчлэн баталж, өөрийн оронд нутагшуулах шаардлага үүсээд байгааг нотолж байна” гэдгийг онцолж байв.  

    Хэлэлцүүлгийн чиглүүлэгчээр Эдийн засгийн эрх зүйн хорооны удирдах зөвлөлийн гишүүн, өмгөөлөгч Н.Баасанжав ажилласан бөгөөд хэлэлцүүлгийн хүрээнд “Монгол Улс дахь Арбитрын хэрэг хянан шийдвэрлэх ажиллагааны өнөөгийн байдал” сэдвээр MDSKhanLex” хуулийн нөхөрлөлийн гишүүн, хуульч Д.Дүгэржав,   Монголын Олон улсын ба Үндэсний Арбитрын Ерөнхий нарийн бичгийн дарга, хуульч Ч.Гүнждагва нар илтгэл тавьж хэлэлцүүлсэн юм.

    Хуулийн төслийг ЭНД дарж үзнэ үү.