Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхлэх хорооноос ахлах ангийн сурагч, оюутнуудад эрх зүйн боловсрол олгох зорилготой “ГЭМТ ХЭРГЭЭС УРЬДЧИЛАН СЭРГИЙЛЭХ НЬ” сэдэвт хичээлийн хөтөлбөрийг санаачлан хэрэгжүүлж буй. Энэ хүрээнд Хуульчдын холбооны гишүүн хуульч, өмгөөлөгч О.Батцэцэг 2016 оны 11 дүгээр сарын 14-ний өдөр Батлан хамгаалахын их сургуулийн харъяа Ахлагчийн сургуулийн сонсогчид болон Монголын Үндэсний их сургуулийн нэгдүгээр курсын оюутнуудад гэмт хэргээс хэрхэн урьдчилан сэргийлэх талаар хичээл заалаа.
Дашрамд дурдахад, Хүний эрхийн үндэсний комиссоос энэхүү хөтөлбөрийг сайшааж, хамтран ажиллах саналыг Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхэлсэн хороонд гаргаад байна.
