Монголын Хуульчдын холбооны гишүүн хуульч, УЕПГ-ын хяналтын прокурор, доктор Б.Өнөрмаагаар ахлуулсан ажлын хэсэг Монголын Хуульчдын холбооны үйл ажиллагааг сурталчлах, 2016 оны үргэлжилсэн сургалтыг зохион байгуулах, тухайн орон нутгийн салбар зохицуулагчийг томилох зорилгоор 2016 оны арваннэгдүгээр сарын 15, 16-ны өдрүүдэд Ховд аймагт ажиллалаа. 

    Ажлын хэсгийн үйл ажиллагааны хөтөлбөрт тусгагдсаны дагуу Монголын Хуульчдын холбооны гишүүн хуульч, УЕПГ-ын Хяналтын прокурор, доктор Б.Өнөрмаа "Авлига, албан тушаал", "Өмчлөх эрхийн эсрэг гэмт хэрэг" сэдвээр, Удирдлагын академийн багш, доктор А.Алтанзул "Захиргааны ерөнхий хууль" сэдвээр,  хуульч, АШУҮИХС-ийн багш, доктор  М.Цэрэнбат "Шүүх ДНХ шинжилгээ", "Хүн амын эрүүл мэндийн эсрэг гэмт хэрэг" сэдвээр тус тус сургалт явуулсан. Сургалтад Ховд аймагт хуульчийн мэргэжлийн үйл ажиллагаа эрхэлж буй 33 хуульч хамрагдсан юм.

    Ажлын хэсэг нь Хуульчдын холбооны Ховд аймаг дахь салбарын зохицуулагчийг сонгох сонгуулийг зохион байгуулсан бөгөөд тухайн аймагт мэргэжлийн үйл ажиллагаа явуулж буй хуульчдын дунд нууц санал хураалт явуулсны дүнд Ховд аймаг дахь салбарын зохицуулагчаар хуульч Ж.Энхжаргал сонгогдлоо.