Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхлэх хорооноос ахлах ангийн сурагч, оюутнуудад эрх зүйн боловсрол олгох зорилготой “ГЭМТ ХЭРГЭЭС УРЬДЧИЛАН СЭРГИЙЛЭХ НЬ” сэдэвт хичээлийн хөтөлбөрийг санаачлан хэрэгжүүлж буй. Энэ хүрээнд Хуульчдын холбооны гишүүн хуульч, өмгөөлөгч П.Ариунаа 2016.11.18-ны өдөр Тээврийн дээд сургуулийн оюутнуудад, хуульч Ж.Гантуяа Боловсролын Их сургуулийн харъяа Математик, байгалийн ухааны сургуулийн оюутнуудад гэмт хэргээс хэрхэн урьдчилан сэргийлэх талаар хичээл заалаа. Мөн Хуульчдын холбооны салбарын зохицуулагчид болон орон нутагт мэргэжлийн үйл ажиллагаа явуулж буй хуульчид нь тухайн орон нутгийнхаа дунд сургуулийн ахлах ангийн сурагчдад хөтөлбөрийн дагуу хичээл заасан.  

    Энэхүү хөтөлбөрийн дагуу оюутан, сурагчдад хичээл заах хугацаа 2016.11.18-ны өдөр дуусаж байгаа бөгөөд цаашид Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхэлсэн хороо болон Монгол улсын Хүний эрхийн үндэсний комисстой хамтран тус хөтөлбөрийг шинэчлэн боловсруулж, дээрх хөтөлбөрт хамрагдаагүй орон нутгийн дунд сургуулийн сурагчид болон Нийслэлийн их, дээд сургууль, коллежийн оюутнуудад гэмт хэргээс урьдчилан сэргийлэх болон хүний эрхийн тухай үндсэн ойлголтын талаар хичээл заахаар төлөвлөж байна.