Азийн хөгжлийн банкны санхүүжилтээр хэрэгжиж буй "АХБ ТА-8995 МОН: Шүүгчдийн сургалтыг сайжруулах төсөл"-ийн хүрээнд шинэ Эрүүгийн хууль батлагдсантай холбогдуулан Эдийн засгийн гэмт хэрэгтэй холбоотой сургагч багш бэлтгэх сургалтыг явуулахаар төлөвлөж байна. Эдийн засгийн гэмт хэргийг хянан шийдвэрлэхэд бүх оролцогчдын чадвар, мэдлэг чухал тул Монголын Хуульчдын холбоо уг төслийн удирдлагад шүүгч, прокуроруудаас гадна өмгөөлөгчдийг хамруулах хүсэлт тавьсны дагуу 5 өмгөөлөгчийг оролцуулах боломжтой болсон.

Өмгөөлөгчид тавигдах шаардлагууд:

1. 5-аас доошгүй жил өмгөөлөгчөөр ажиллаж, эрүүгийн хэрэгт төлөөлөл хэрэгжүүлсэн;
2. Туршлага, мэргэшсэн байдал /эрүүгийн хэрэгт оролцсон, сургалтанд хамрагдсан байдал/;
3. Цаашид сургагч багшаар ажиллах хүсэл зориг, эрмэлзлэлтэй байх /Өргөдөл бичих/;
4. Ном, гарын авлага боловсруулах чадвар, туршлагатай байх;
5. Англи хэлээр унших чадвартай байх /заавал биш, англи хэлний мэдлэг нь давуу тал болно/;
6. Өмнө сургагч багшаар ажиллаж байсан туршлагатай байх /заавал биш/;
7. Хуульчдын холбооны гишүүн байх /гишүүний татвар, сургалтын кредитын зөрчилгүй байх/.

    Тиймээс Эдийн засгийн гэмт хэрэгтэй холбоотой сургагч багш бэлтгэх сургалтад хамрагдах хүсэлтэй, сургагч багшид тавигдах шаардлагыг хангаж буй өмгөөлөгчид 2016 оны 11 дүгээр сарын 30-ны өдрийн 14:00 цагаас өмнө Хуульчдын холбооны Гадаад харилцаа, хамтын ажиллагааны хэлтэст холбогдох материалуудыг өөрийн намтрын хамт хавсарган бүртгүүлнэ үү.

Дэлгэрэнгүй мэдээллийг 8666-6660 утсаар холбогдож авна уу.