Монголын Хуульчдын холбооноос 2016 оны 12 дугаар сарын 19-ний өдөр зохион байгуулах гэж буй “ФЕМИДА-2016” Хуульчдын нэгдсэн шинэ жилийн цэнгүүний үеэр “Шилдэг про-боно хуульч”-ийг шалгаруулах гэж байгааг дуулгахад таатай байна.
Эрхэм хуульч таныг нэр хүндтэй энэ шагналд өөрийн материалыг ирүүлэхийг урьж байна.
Шилдэг Про-боно хуульчид тавигдах шаардлага:
- Хуульч, өмгөөлөгчөөр 5-аас доошгүй жил ажилласан байх;
- 2016 онд нийтэд тустай олон нийтийн арга хэмжээнд сайн дураар 10-аас доошгүй удаа оролцсон байх;
- 2016 онд 5-аас доошгүй төлбөрийн чадваргүй иргэний эрх ашгийг шүүхэд төлөөлсөн /төлөөлөл хэрэгжүүлсэн нийт 5 хэргийн 2 хэрэг нь эцэслэн шийдвэрлэгдсэн байх шаардлагатай/ байх;
- 2016 онд онцгой ач холбогдол бүхий ажил гүйцэтгэсэн байх;
- Хуульчийн ёс зүй, гишүүний татвар болон кредит цагийн зөрчилгүй байх.
Дээрх шаардлагыг хангаж буй Холбооны гишүүн хуульч, өмгөөлөгч дор дурьдсан материалыг 2016 оны 12 дугаар сарын 16-ны өдрийн 13:00 цагаас өмнө Хуульчдын холбооны Хуульчийн нийтэд тустай мэргэжлийн үйл ажиллагаа эрхлэх хороо хариуцсан мэргэжилтэн Б.Шихихутаг /утасны дугаар: 89997008/-т цаасаар болон файл хэлбэрээр өгнө үү.
- Нэр дэвшигчийн товч намтар;
- Нэр дэвшигчийн өргөдөл/нэр дэвшүүлэгчийн өргөдөл;
- Нэр дэвшигчийг тодорхойлох захидал /хоёр захидал байна/;
- Үйлчлүүлэгчийн товч мэдээлэл, холбогдох утасны дугаар;
- Шүүхийн шийдвэрийн хуулбар;
- Бусад нийтэд тустай арга хэмжээнд оролцсоныг нотлох баримт /зураг, гэрчилгээ, талархал, арга хэмжээний хөтөлбөр, оролцогчдын нэрсийн жагсаалт, онцгой ажлын танилцуулга, үр дүн гэх мэт/.
Жич: Хамт олны зүгээс нэрийг нь дэвшүүлэх боломжтой.
Хуульчийн нийтэд тустай мэргэжлийн үйл ажиллагаа эрхлэх хороо
