Монголын Хуульчдын холбооны Өмгөөлөгчдийн хорооноос санаачлан "Баянгол, Хан-Уул, Сонгино хайрхан дүүргийн Эрүүгийн хэргийн анхан шатны шүүх" дээр өмгөөлөгчийн ажлын өрөөг тохижуулан 2016 оны 04 дүгээр сарын 18-ны өдөр нээлтээ хийсэн билээ.

    Энэ удаад Нийслэл дэх Захиргааны хэргийн анхан болон давж заалдах шатны шүүхийн байранд өмгөөлөгчийн ажлын өрөөг тохижуулан 2016 оны 12 дугаар сарын 15-ны өдөр нээлт хийхээр төлөвлөж байна. Үүнтэй холбоотойгоор өмгөөлөгчдийн дунд хандивын аяныг өрнүүлж байна.

    Өмгөөлөгчид шүүхийн байранд ажлын өрөөтэй болсноор шүүх хурлын бэлтгэлээ бүрэн хангах, хавтаст хэрэгтэй нухацтай танилцах, үйчлүүлэгчтэйгээ ганцаарчлан уулзах, шаардлагатай хууль тогтоомжоо интернэтээр үзэх, шүүх хуралдааны завсарлагаанаар тухлаг байх зэрэг олон давуу талтай. Иймд өөрсдийнхөө ажиллах орчин нөхцөлийг тав тухтай, тохилог болгох үүднээс та бүхнийг энэхүү хандивын аянд нэгдэхийг урьж байна.

    Дараах зүйлсийг хандивлах боломжтой.

    -Өмгөөлөгчдийн өдөр тутамд хэрэглэгддэг хуулиуд,

    -Хууль, эрх зүйтэй холбоотой ном товхимол,

    -Өрөөнд өнгө үзэмж нэмэх жаазтай зураг, сувинер, ваартай цэцэг гэх мэт.

    Өмгөөлөгч та хандивлах гэж буй зүйлсээ Өмгөөлөгчдийн хорооны мэргэжилтэн Б.Нямхоролд ирүүлнэ үү.

    Хандив хүлээн авах хугацаа 2016 оны 12 дугаар сарын 16-ны өдрийн 18:00 цаг.

     Хандив хүлээн авах газар: МХХ-ны байр 5 давхар 506 тоот.

     Дэлгэрэнгүй мэдээллийг 99965771 дугаар утсаар холбогдон авна уу.

ӨМГӨӨЛӨГЧДИЙН ХОРОО