Монголын Хуульчдын холбооноос 2016 оны 12 дугаар сарын 19-нд “Фемида-2016” ёслолын ажиллагааг зохион байгуулж, өнгөрч буй онд амжилт бүтээлээрээ бусдыгаа манлайлсан шилдэг хуульчдыг тодрууллаа. Тус ёслолын ажиллагаанд Хууль зүй, дотоод хэргийн сайд С.Бямбацогт, УИХ-ын гишүүн Д.Лүндээжанцан, Ж.Батзандан, О.Баасанхүү, Нийслэлийн Засаг дарга бөгөөд Улаанбаатар хотын захирагч С.Батболд, Хууль зүй, дотоод хэргийн яамны Төрийн нарийн бичгийн дарга Г.Баясгалан, Хуульчдын холбооны ерөнхийлөгч Б.Гүнбилэг, Цагдаагийн ерөнхий газрын дарга Р.Чингис, Шүүхийн шинжилгээний үндэсний хүрээлэнгийн захирал Д.Батжаргал, Хууль сахуилах их сургуулийн захирал С.Баатаржав, Гадаадын иргэн, харьяатын газрын дарга Д.Мөрөн, Шүүхийн ерөнхий зөвлөлийн нарийн бичгийн дарга Т.Мэндсайхан, Хууль зүйн үндэсний хүрээлэнгийн захирал С.Энхцэцэг нарын хүндтэй зочиж хүрэлцэн ирсэн юм.

“Фемида-2016” ёслолын ажиллагааны шилдгүүдээр дараах хуульчид тодорлоо.

1. Оны шилдэг шүүчээр Захиргааны хэргийн давж заалдах шатны шүүхийн шүүгч ЦЭНДИЙН ЦОГТ

2.Оны шилдэг прокуророор Нийслэлийн прокурорын газрын Хэлтсийн дарга ЖАНДАНГИЙН АРИУНАА

3.Оны шилдэг өмгөөлөгчөөр Өмгөөллийн Монгол өмгөөлөгч нөхөрлөлийн захирал, өмгөөлөгч ЗАГДСҮРЭНГИЙН СҮХБААТАР

4.Оны шилдэг хуулийн зөвлөхөөр Монгол Улсын Их сургуулийн Хууль Зүйн сургуулийн Хууль зүйн клиник сургалтын төвийн эрхлэгч ЖАМБААЧҮЛТЭМИЙН ЭРХЭСХУЛАН

5.Оны шилдэг эрдэмтэнээр Монгол Улсын Их Сургуулийн Хууль Зүйн Сургуулийн багш ХАЯНХЯРВААГИЙН СЭЛЭНГЭ

6.Оны шилдэг про-боно хуульчаар Иргэний хамгаалалт төрийн бус байгууллагын тэргүүн ОЮУНСАЙХАНЫ АЛТАНГЭРЭЛ

7.Оны шилдэг нөхөрлөлөөр Өмгөөллийн “МОНГОЛ ӨМГӨӨЛӨГЧ” нөхөрлөл

8.Оны шилдэг хороогоор ЗАХИРГААНЫ ЭРХ ЗҮЙН ХОРОО  тус тус шалгарлаа.

    Мөн “Фемида-2016” шинэ жилийн цэнгүүний үеэр авьяаслаг хуульчдыг тодруулсан бөгөөд Өмгөөлөгчдийн хорооны баг тэргүүн байрт шалгарч, “Авьяаслаг хуульч” өргөмжлөл, 1.000.000 төгрөгийг эзэн болсон юм.