Монголын Хуульчдын нийгэмлэгийн шинэ жилийн үйл ажиллагаа сайхан болж өнгөрлөө. Шинэ жилийн үйл ажиллагаанд Хуульчдын холбооны Ерөнхийлөгч Б.Гүнбилэг, Шүүхийн ерөнхий зөвлөл, Үндсэн хуулийн цэцийн гишүүд, МУИС-ийн ХЗС-ийн багш нарын төлөөлөл, өмгөөллийн нөхөрлөлийн төлөөлөл хүрэлцэн ирж оролцлоо.
Энэ үеэр Хуульчдын нийгэмлэгийн 2017 оны ерөнхийлөгчийг сонгосон бөгөөд "Дачэн Дэнтонс" хуулийн фирмын Монгол дахь захирал Д.Нандинцэцэг тус байгууллагыг ирэх онд удирдахаар сонгогдлоо. Тэрбээр өөрийн мөрийн хөтөлбөрөө танилцуулан, "Хуульчдын нийгэмлэг нь 2017 оноос дүрмээ өөрчилж, үйл ажиллагаагаа бодлогын шинэ түвшинд ахиулан ажиллаж, нийгэмдээ илүү үүрэг хариуцлага хүлээж, улс орны тулгамдсан асуудлуудаар идэвхитэй, нэгдмэл байр суурьнаас оролцох, Монголын Хуульчдын Нийгэмлэгийн эрхэм зорилго, зорилтуудыг өргөжүүлэн нийгэмд хуульчдын эзлэх байр суурийг зохистой хэмжээнд хүргэж, төрийн бодлогод хуульчдын мэргэжлийн үзэл баримтлалыг тусгадаг тогтолцоог бий болгохоор чармайн ажиллана. Нийгэмлэгийн уламжлалыг үргэлжлүүлэхийн сацуу, сургалтуудын төрөл, чанарыг нэмэгдүүлж, орчин үеийн эрх зүйн ололт амжилтуудыг улсдаа түгээх ажлыг зохион байгуулна. Эрх зүйт төрийг байгуулах эрхэм зорилгыг сэргээн, төр, олон нийтийн хамтын ажиллагаанд түшиглэн эрх зүйн шинэчлэлийн манлай байгууллага болон ажиллана" гэдгээ мэдэгдлээ.
Монголын Хуульчдын нийгэмлэг
