Хуульчдын холбооны зөвлөлийн ээлжит бус хуралдаан 2016 оны 12 дугаар сарын 24-ний өдөр боллоо. Тус хурлаар дараах асуудлыг хэлэлцэн шийдвэрлэлээ.

• Шүүхийн ерөнхий зөвлөлийн даргын 2016 оны 115 дугаар тушаалаар зарласан анхан шатны шүүхийн шүүгч, Ерөнхий шүүгч, давж заалдах шатны шүүхийн шүүгчид нэр дэвшсэн 30 хуульчийн мэргэшил, ур чадвар, нэр хүндийн талаарх Шалгалтын болон Ёс зүйн хорооны дүгнэлтийг хэлэлцэж, баталгаажуулав.

    Тогтоол, түүний хавсралттай ЭНД дарж танилцана уу.

• Хуульчдын холбооны Ээлжит бус Их хурлыг зохион байгуулах ажлын хэсгийн тайланг тус ажлын хэсгийн дарга, Хуульчдын холбооны Тамгын газрын дарга Ц.Ганболд танилцуулав.
• Хуульчийн мэргэжлийн шалгалтын асуудал эрхэлсэн хорооны дарга Д.Сүнжид 2016 оны Хуульчийн мэргэжлийн шалгалтын тайланг танилцуулав.
• Хуульчдын холбооны 2016 оны үйл ажиллагааны тайланг танилцуулав.
• Хуульчдын холбооны 2017 оны үйл ажиллагааны ерөнхий төлөвлөгөө болон төсөв батлах тухай асуудлыг хэлэлцэхээр төлөвлөсөнг 2017 оны 01 дүгээр сарын 07-ны өдрийн хурлаар хэлэлцэхээр хойшлуулав.