Хуульчийн эрх зүйн байдлын тухай хуульд Хуульчийн мэргэжлийн шалгалтад тэнцэж, батламж авсан иргэн батламж авсан өдрөөс хойш 90 хоногийн дотор гишүүнээр элсэх тухай өргөдлөө Хуульчдын холбоонд гаргахаар заасан. Энэ дагуу Хуульчийн мэргэжлийн шалгалтад тэнцсэн эрх зүйчдийн өргөдлийг Хуульчдын холбооны 5 давхар 503 тоотод бүртгэл хариуцсан мэргэжилтнүүд хүлээн авч байна.  

    Өргөдөлд дор дурдсан баримт бичгийг хавсаргана:

• Гишүүнээр элсэх өргөдөл /өргөдлийн маягт татах/
• Хуульчдын нэгдсэн бүртгэлд бүртгэх анкет /татах/
• Хуульчийн мэргэжлийн шалгалтад тэнцсэн батламж /эх хувиараа/
• Хуульчийн мэргэжлийн үйл ажиллагаа эрхлэхэд харшлах өвчин, сэтгэцийн эмгэггүйг нотолсон эрүүл мэндийн тодорхойлолт /Сэтгэцийн эрүүл мэндийн үндэсний төвийн магадлагаа, аймгийн Эрүүл мэндийн нэгдлийн Сэтгэц, наркологийн кабинетын магадлагаа/
• Гишүүнээр элсэх хураамж төлсөн баримт /Хураамж-150.000 (нэг зуун тавин мянга) төгрөг/-ийг тус холбооны Худалдаа хөгжлийн банкны 499 218 869 тоот дансанд тушаана/ 

    Хуульчдын холбооны бүртгэлийн асуудал хариуцсан ажилтан өргөдөлд хавсаргасан баримт бичгийн үнэн зөв байдлыг шалгаж, Тамгын газар хуульчид тавигдах зан байдал, ял шийтгэгдэж байсан эсэх болон эрүүл мэндийн шаардлагыг хангаж буй эсэхийг судлан үзсний үндсэн дээр гишүүнээр элсүүлэх эсэх асуудлыг Ерөнхийлөгчид танилцуулна.

    Хуульчдын холбооны гишүүнээр элсүүлэх тухай Тамгын газрын танилцуулгыг хянан үзсэний үндсэн дээр Ерөнхийлөгч өргөдөл гаргагчийг Хуульчдын холбооны гишүүнээр элсүүлэх болон хуульчийн мэргэжлийн үйл ажиллагаа эрхлэх зөвшөөрөл олгох тухай шийдвэр гаргаж, гэрчилгээ олгосноор иргэн та Хуульчдын холбооны гишүүн болно.

    Хуульчийн мэргэжлийн үйл ажиллагаа эрхлэх зөвшөөрөл олгох шийдвэр, гэрчилгээг үндэслэн хуульчийг Хуульчдын нэгдсэн бүртгэлд бүртгэх ажиллагааг бүртгэлийн асуудал хариуцсан ажилтан хийнэ. Хуульчийг нэгдсэн бүртгэлд бүртгэснээс хойш ажлын 5 өдрийн дотор бүртгэлийн асуудал хариуцсан ажилтан тухайн гишүүн, хуульчид энэ тухай мэдэгдэнэ.

Холбоо барих утас:70116008