Монгол Улсын “Үндсэн хуулийн өдөр”-ийг тохиолдуулан Монголын Хуульчдын холбооноос хууль зүйн салбарт олон жил үр бүтээлтэй ажиллаж, салбарын хөгжилд бодит хувь нэмрээ оруулан бусдыгаа манлайлсан хуульчдыг Төрийн дээд одон медаль, Хууль зүйн салбарын шагналаар шагнах ёслолыг өнөөдөр зохион байгууллаа.
Монгол Улсын Ерөнхийлөгч Ц.Элбэгдоржийн зарлигаар Хөдөлмөрийн гавъяаны улаан тугийн одонгоор өмгөөлөгч Бямбын Намхай, Хөдөлмөрийн хүндэт медалиар өмгөөлөгч Лувсандоржийн Өлзийхүү болон Хууль зүй, дотоод хэргийн сайдын тушаалаар яамны “Хүндэт жуух” бичгээр шүүгч Мянгаагийн Баясгалан, прокурор Ширэндэвийн Одонсүрэн, өмгөөлөгч Нямбаярын Болорчимэг нарын хуульчдыг шагнаж урамшууллаа.
Шагнал гардуулах ёслолд Монголын Хуульчдын холбооны Ерөнхийлөгч Б.Гүнбилэг, Тамгын газрын дарга Ц.Ганболд, Зөвлөлийн гишүүн З.Сүхбаатар, Д.Пүрэвбаатар, Б.Энх-Эрдэнэ нар оролцож, хуульчдад баяр хүргэн шагналыг гардууллаа.
