Монголын Хуульчдын холбоо нь цахим технологийн “ЭнЭксТи” ХХК-тай хамтын ажиллагааны санамж бичиг байгууллаа.

    Тус компани нь спорт, фитнесийн зах зээлд зориулан ONEFIT нэртэй шинэ төрлийн гар утасны аппликэйшн бүтээгээд байна. Хуульч та энэхүү аппликэйшнийг гар утсандаа суулгаснаар  дуртай фитнес, спортын хичээлээ өөрийн цаг зав, байршил, сонирхолд тохируулан захиалах боломжтой бөгөөд нэмэлт зардалгүйгээр хэд хэдэн төрлийн дасгалыг хослуулан хичээллэх боломжтой. Одоогоор тус  аппликэйшнд 50 гаруй фитнес клуб, спорт төв, иог/бүжгийн студи нэгдээд байгаа ажээ.

    Монголын Хуульчдын холбооны гишүүн хуульчид та бүхэн ONEFIT аппликэйшнийг гар утсандаа суулган гишүүнчлэлийн эрх авснаар Улаанбаатарт үйл ажиллагаа явуулж буй 50 гаруй фитнес, иогийн клуб болон бассейнаар 10 хувийн хөнгөлөлттэй үйчлүүлэх боломжтой юм. 

    ONEFIT аппликэйшнийн талаарх танилцуулгыг ЭНД, Гишүүнчлэлийн багц худалдан авах зааврыг ЭНД дарж үзнэ үү.

    Дэлгэрэнгүй мэдээллийг http://onefit.mn хуудсаас авна уу.