Монголын Хуульчдын холбооны Шүүгчдийн хорооноос Хуульчийн эрх зүйн байдлын тухай хуулийн 61 дүгээр зүйлд заасан журмын дагуу Шүүхийн ерөнхий зөвлөлийн гишүүнд нэр дэвшигчийг сонгон шалгаруулах ажиллагааг зохион байгуулж, тус хорооны Удирдах зөвлөлийн 2017 оны 2 дугаар сарын 01-ний өдрийн хурлаар нэр дэвшигч нэг бүрээр хэлэлцэн хуульч В.Оюумаа, Ж.Дашдорж, Д.Тайванхүү нарын нэрийг Хуульчдын холбооны Ерөнхийлөгчид өргөн мэдүүлсэн.
Монголын Хуульчдын холбооны Ерөнхийлөгч Хуульчийн эрх зүйн байдлын тухай хуулийн 47 дугаар зүйлийн 47.3.5-д заасан бүрэн эрхийн хүрээнд хуульч Ж.Дашдоржийг Шүүхийн ерөнхий зөвлөлийн гишүүнээр томилуулахаар Монгол Улсын Ерөнхийлөгчид уламжиллаа.
