Монголын Хуульчдын холбооны Ерөнхийлөгчийн 2017 оны 02 дүгээр сарын 16-ны өдрийн 14 дугаар тушаалын дагуу тус холбооны гишүүнээр элсэж буй 59 шинэ хуульчийн тангараг өргөх ёслолын ажиллагааг өчигдөр Хуульчдын танхимд зохион байгууллаа.

    Тангараг өргөх ёслолын ажиллагаанд Хуульчдын холбооны Ерөнхийлөгч Б.Гүнбилэг, Тамгын газрын дарга Ц.Ганболд, Зөвлөлийн гишүүн Ц.Арвинбуудай, Т.Жавхлантөгс,  Иргэний эрх зүйн хорооны тэргүүн Г.Даваадорж, Олон улсын эрх зүйн хорооны тэргүүн А.Төмөр нар урилгаар оролцсон бөгөөд тангараг өргөх ёслолын үеэр шинэ хуульчдад мэргэжлийн үйл ажиллагаа эрхлэх зөвшөөрлийн гэрчилгээ олгосон юм.

        Хуульчийн эрх зүйн байдлын тухай хуулийн 19 дүгээр зүйлийн 19.1-д заасны дагуу хуульчийн мэргэжлийн шалгалтад тэнцэж батламж авсан иргэн нь батламжаа авсан өдрөөс хойш 90 хоногийн дотор Хуульчдын холбоонд гишүүнээр элсэх өргөдлөө гаргах ёстой.

Үүний дагуу Хуульчдын холбооны гишүүнээр элсэх өргөдлийг тус холбооны Тамгын газар 2016 оны 12 дугаар 27-ны өдрөөс авч эхэлсэн бөгөөд хоёрдугаар ээлжинд өргөдлөө гаргаад байсан 59 хуульчийг гишүүнээр элсүүлж, хуульчийн мэргэжлийн үйл ажиллагаа эрхлэх зөвшөөрөл олгоод байгаа нь энэ юм.

             Тангараг өргөх ёслолын үйл ажиллагааны зургийг ЭНД дарж үзнэ үү.