Монголын Хуульчдын холбоо, Гэмт хэргээс урьдчилан сэргийлэх ажлыг зохицуулах зөвлөлийн төлөөллүүд өчигдөр /2016.03.09/  хэрхэн хамтран ажиллах талаар ярилцахаар уулзлаа.

     Уулзалтад Хуульчдын холбооны Тамгын газрын дарга Ц.Ганболд, Гадаад харилцаа, хамтын ажиллагааны хэлтсийн дарга Ж.Хунан, Хуульчийн нийтэд тустай мэргэжлийн үйл ажиллагаа эрхэлсэн хорооны мэргэжилтэн Б.Шихихутаг, Гэмт хэргээс урьдчилан сэргийлэх ажлыг зохицуулах зөвлөлийн Нарийн бичгийн дарга Л.Нямгэрэл, тус зөвлөлийн Ажлын албаны мэргэжилтэн Ч.Анун, Ч.Амарбаясгалан нар оролцсон юм.  

    Уулзалтын үеэр тодорхой төрлийн гэмт хэргээс урьдчилан сэргийлэхэд хамтран ажиллах асуудлыг хөндсөн бөгөөд эхний ээлжинд сургагч багш бэлтгэх, сургалт зохион байгуулах, видео хичээл бэлтгэх, сурталчилгаа явуулах зэрэг ажлыг хэрэгжүүлэхээр ярилцав.