Монголын Хуульчдын холбооноос өмгөөлөгчийн туслах ажилтнуудад өмгөөллийн ур чадвар, дадал олгох сургалтыг 2017 оны 03 дугаар сарын 18-ны өдөр зохион байгууллаа.
Сургалтын хүрээнд “Хуульчийн харилцаа хандлага” сэдвээр АШУҮИС-ын багш Ц.Өрнөхбаяр, “Иргэний хэрэг шүүхэд хянан шийдвэрлэх ажиллагаанд өмгөөлөгчийн туслахын оролцоо, практик хэрэглээ болон анхаарах зарим асуудал” сэдвээр МХХ-ны Зөвлөлийн гишүүн, Өмгөөлөгчдийн хорооны тэргүүн Д.Түвшинтамир, “Эрүүгийн байцаан шийтгэх ажиллагаанд өмгөөлөгчийн туслахын оролцоо, практик хэрэглээ болон анхаарах зарим асуудал” сэдвээр Зөвлөлийн гишүүн, гавьяат хуульч Г.Оюунцэцэг, Захиргааны хэрэг хянан шийдвэрлэх ажиллагаанд өмгөөлөгчийн туслахын оролцоо, практик хэрэглээ болон анхаарах зарим асуудал” сэдвээр Захиргааны эрх зүйн хорооны Удирдах зөвлөлийн гишүүн Ж.Даваасүрэн нар тус тус хичээл заасан юм.
Сургалтад нийт 56 өмгөөлөгчийн туслах ажилтан хамрагдсан бөгөөд тэдэнд “Өмгөөлөгчийн туслахын үнэмлэх” болон сургалтад хамрагдсан гэрчилгээ, Хуульчдын холбооноос гаргасан дүрэм, журмын эмхэтгэлийг олгосон юм.
