Монголын Хуульчдын холбооны Сургалтын хорооны төлөөлөл Улсын Ерөнхий прокурорын газрын Сургалт судалгааны төв, Монголын Өмгөөлөгчдийн холбооны удирдлагуудтай 2017 оны гуравдугаар сарын 17-нд уулзалт хийлээ.
Уулзалтад Монголын Хуульчдын холбооны Сургалтын хорооны дарга Л.Мөнхсайхан, хороо хариуцсан мэргэжилтэн Ц.Анхтуяа, Г.Санчир болон Улсын Ерөнхий прокурорын газрын Сургалт судалгааны төвийн захирал М.Гантулга, сургалтын менежер Г.Ууганболор, Монголын Өмгөөлөгчдийн холбооны Ерөнхийлөгч Б.Ганбаатар нар оролцсон юм.
Уулзалтын үеэр 2017 онд зохион байгуулах Хуульчийн үргэлжилсэн сургалтын талаар санал солилцож, харилцан мэдээлэл өгсөн. Үүний зэрэгцээ Монголын Хуульчдын холбооны зүгээс 2017 оны хуульчийн үргэлжилсэн сургалтыг хамтран зохион байгуулах, хуульчдыг нэгдсэн ойлголтод хүргэх зорилготой байгаагаа илэрхийллээ.
