ХУУЛЬ ЗҮЙН ШИНЖЛЭХ УХААН, БОЛОВСРОЛЫН ХӨГЖЛИЙГ ДЭМЖИХ АСУУДАЛ ЭРХЭЛСЭН ХОРООНЫ ГИШҮҮНД НЭР ДЭВШҮҮЛЭХ ҮЙЛ АЖИЛЛАГААНЫ УДИРДАМЖ

Нэг.Зорилго

1.1. Монголын Хуульчдын холбооны дүрмийн 8.8 дугаар зүйлд заасан Хууль зүйн шинжлэх ухаан боловсролын хөгжлийг дэмжих асуудал эрхэлсэн хорооны гишүүнд нэр дэвшүүлэх ажлыг зохион байгуулахад оршино.

Хоёр.Сургалтын хорооны бүрэлдэхүүнд төлөөллөө оруулах эрх бүхий этгээд, төлөөлөгчийн тоо

 2.1.Монголын Хуульчдын холбооны Шүүгчдийн хорооноос нэг хуульч, нөхөн оруулна.

 Гурав.Нэр дэвшүүлэх үйл ажиллагаа

3.1. Хууль зүйн шинжлэх ухаан боловсролын хөгжлийг дэмжих асуудал эрхэлсэн хорооны гишүүнд нэр дэвшүүлэх ажиллагааг 2017 оны 3 дугаар сарын 24-ний өдрийн 09:00 цагаас 2017 оны 4 дүгээр сарын 03-ны өдрийн 17:00 цагийн хооронд явуулна.

3.2. Хууль зүйн шинжлэх ухаан боловсролын хөгжлийг дэмжих асуудал эрхэлсэн хорооны гишүүнд нэр дэвших сонирхолтой хуульч өөрөө нэрээ дэвшүүлнэ.

3.3.Шүүгчдийн хорооны удирдах зөвлөл нь нэрээ дэвшүүлсэн хуульчдаас гурваас доошгүй хуульчийг сонгон Монголын Хуульчдын холбооны зөвлөлд хүргүүлнэ.

3.4.Монголын Хуульчдын холбооны зөвлөл нэр дэвшигчдээс энэ удирдамжийн 2.1-д заасан тооны хуульчийг Хууль зүйн шинжлэх ухаан боловсролын хөгжлийг дэмжих асуудал эрхэлсэн хорооны гишүүнээр сонгоно.

4.1.Шүүгчдийн хорооноос нэр дэвших хуульчид тавих шаардлага:

1. Шүүгчдийн хорооны гишүүн;
2. мэргэжлээрээ 10-аас доошгүй жил ажилласан;
3. эрх зүйн тодорхой салбараар зургаагаас доошгүй жил мэргэшин ажилласан;
4. хууль зүйн магистр ба түүнээс дээш боловсролын зэрэгтэй;
5. Хуульчийн эрх зүйн байдлын тухай хуулийн 49.10-т заасан шаардлагыг хангасан байна. /Хэрэв таваас илүү хорооны гишүүн бол аль нэг хорооны гишүүнээс хасагдсан шийдвэрийг хавсаргах/

Тав.Бүрдүүлэх материал

  5.1.Нэр дэвшигч нь дор дурдсан материалыг бүрдүүлж, Монголын Хуульчдын холбооны Тамгын газарт хүргүүлнэ:

1. төрийн албан хаагчийн анкет, 2 хувь цээж зураг (4х6 хэмжээтэй);
2. иргэний үнэмлэхний хуулбар;
3. хуульчийн мэргэжлийн үйл ажиллагаа эрхлэх зөвшөөрлийн хуулбар;
4. хууль зүйн магистр ба түүнээс дээш боловсролын зэргийн дипломын хуулбар;

Зургаа.Материал ирүүлэх хугацаа, хаяг

6.1. Хууль зүйн шинжлэх ухаан боловсролын хөгжлийг дэмжих асуудал эрхэлсэн хорооны гишүүнд нэр дэвшигчийн материалыг 2017 оны 4 дүгээр сарын 03-ны өдрийн 17:00 цаг хүртэл Монголын Хуульчдын холбооны Тамгын газар дор дурдсан хаягаар хүлээн авна:

Хаяг: Улаанбаатар хот, Чингэлтэй дүүрэг, 1 дүгээр хороо, Хууль зүйн үндэсний хүрээлэн, 5 давхар, 506 тоот /Б.Буянжаргал/

Холбоо барих утас: 99630468