Хуульчийн эрх зүйн байдлын тухай хуулийн 9 дүгээр зүйлийн 9.2, 11 дүгээр зүйлийн 11.3, 16 дугаар зүйлийн 16.6, мөн хуулийн 52 дугаар зүйлийн 52.3.2 дахь заалтыг тус тус үндэслэн Монголын Хуульчдын холбооны Хуульчийн мэргэжлийн шалгалтын асуудал эрхэлсэн хороо нь Хуульчийн мэргэжлийн шалгалтын журмын төсөл, Хуульчийн мэргэжлийн дадлагыг тооцох журмын төслийг боловсруулаад байна.

    Шалгалтын хороо нь Захиргааны ерөнхий хуулийн 62 дугаар зүйлийн 62.4.1, Монголын Хуульчдын холбоо, түүний бүтцийн байгууллагуудаас дүрэм, журам боловсруулахад баримтлах журмын 3.7 дугаар зүйлийн 3.2 дахь хэсгийг үндэслэн Хуульчийн мэргэжлийн шалгалтын журмын төсөл, Хуульчийн мэргэжлийн дадлагыг тооцох журмын төсөлд биечлэн санал авах уулзалтыг 2017 оны 04 дүгээр сарын 12-ны өдрийн 14:00- 17:30 цагийн зохион байгуулах гэж байна.

    Уулзалтад Монголын Хуульчдын холбооны Шалгалтын хорооны гишүүд оролцож, та бүхний саналыг сонсох бөгөөд уулзалт Хууль зүйн үндэсний хүрээлэнгийн 3 давхарын 301 тоот өрөөнд болно.

    Уулзалттай холбоотой мэдээллийг 70116004 утсаар Хуульчийн мэргэжлийн шалгалтын асуудал эрхэлсэн хороо хариуцсан мэргэжилтэн Ц.Должинсүрэнтэй холбогдож авна уу. 

"Хуульчийн мэргэжлийн шалгалтын журам"-ын төсөлтэй ЭНД дарж танилцана уу. 

"Хуульчийн мэргэжлийн дадлагыг тооцох журам"-ын төсөлтэй ЭНД дарж танилцана уу.