Монголын Хуульчдын холбооны Сургалтын хороо, Эрүүгийн эрх зүйн хороо, Хуульчийн нийтэд тустай мэргэжлийн үйл ажиллагаа эрхэлсэн хороо нь “Анбаунд Монгол” ТББ, Хүйсийн тэгш эрхийн төвтэй хамтран “Хүн худалдаалах гэмт хэргийн хохирогчдыг хамгаалахад өмгөөлөгчийн мэргэжлийн үйл ажиллагааг явуулахад юуг анхаарах вэ?” сэдэвт сургалтыг 2017 оны дөрөвдүгээр сарын 11-нд зохион байгууллаа.

    Сургалтын нээлтэд Хуульчдын холбооны Ерөнхийлөгч Б.Гүнбилэг, УИХ-ын гишүүн О.Баасанхүү, “Анбаунд Монгол” ТББ-ын гүйцэтгэх захирал Г.Мөнхсаруул нар оролцож, сургалтын үйл ажиллагаанд амжилт хүссэн.

    Монгол Улсад хүний наймааг таслан зогсооход хуульч, өмгөөлөгчдийн оролцоог нэмэгдүүлэх зорилготой энэхүү сургалтын сургагч багшаар “Анбаунд” олон улс хариуцсан захирал, сэтгэлзүйч Эмми Миллер, Техасын барын холбооны гишүүн, өмгөөлөгч Жейсон Кенеди, Хүйсийн тэгш эрхийн төвийн тэргүүн Г.Ганбаясгах, өмгөөлөгч Л.Галбадар, А.Бүдханд нар ажилласан юм.

    Сургалтад 43 хуульч хамрагдсан бөгөөд эдгээр хуульчдыг 2017 оны хуульчийн үргэлжилсэн сургалтын нэг багц цагийг хангасанд тооцож, гэрчилгээ гардууллаа.