Монголын Хуульчдын холбооны Өмгөөллийн нөхөрлөлийн хөгжлийг дэмжих хороо, Өмгөөлөгчдийн хороо хамтран өмгөөллийн нөхөрлөлүүдэд зориулсан сургалтыг 2017 оны дөрөвдүгээр сарын 21-ний өдөр “Централ Тауэр”-ын хурлын танхимд зохион байгууллаа.
Сургалтад хамрагдсан хуульчдад Монголын Хуульчдын холбооны Зөвлөлийн гишүүн, Өмгөөлөгчдийн хорооны тэргүүн Д.Түвшинтамир, Өмгөөллийн нөхөрлөлийг дэмжих хорооны удирдах зөвлөлийн гишүүн, өмгөөлөгч Ж.Майзориг нар “Өмгөөллийн нөхөрлөл болон өмгөөлөгчийн ажлын байр, ажлын хөлс, менежмент зохион байгууллалт" сэдвээр дэлгэрэнгүй мэдээлэл өгсөн. Мөн Таксанд” ХХК-ийн гүйцэтгэх захирал Ц.Энхжавхлан “Өмгөөллийн нөхөрлөл болон өмгөөллийн үйл ажиллагаанд ногдох татварын асуудал” сэдвээр, “Эн Пи Си энд Мандал” ХХК-ийн гүйцэтгэх захирал Ц.Энхжаргал “Сэтгэл хөдлөлийн удирдлага Монгол ажилтан бие хүний бүтээмж ба EQ” сэдвээр тус тус хичээл заасан юм.
Сургалтад Монголын Хуульчдын холбоонд бүртгэлтэй 22 нөхөрлөлийн 60 гаруй хуульч хамрагдлаа.
